O ARROAZ (dígase ARROAS)
Hai varias especies ás que na nosa ría decimos ARROAS, pero
a que máis se ve nestas augas, con tanta
diferencia que as outras son ocaionáis, é a que se alcuma Arroaz Real, especie
etiquetada Tursiops truncatus.
Este real arroas distribúese polas augas tropicais e mornas,
incluíndo o Mar Negro e tamén se ve no Atlántico Norte e na costa oeste
africana. Abundante en tódalas costas ibéricas, tamén está presente no
Medioterráneo.
Habitual na costa aínda se atreve a entrar nos portos, só ou
en manadas máis ou menos numerosas, dende 5 a 10 individuos ata 30 e moi
raramente moitos máis.
En primavera emigra para augas máis norteñas e regresa a
fináis do verán, aínda que algún grupos son sedentarios, non marchan.
Góstalles moito
brincar por riba da auga, e mesmo xogar con algún peixe grande coma se
estivesen facendo un número circense. Ademáis de peixes, comen cefalópodos
tamén, especialmente calamares.
A xestación dura 12 meses e a femia pare, en augas próximas
ás nosas costas, una sóa cría de arredor de 1 m. de longo. A cría mamará outros
16 meses.
Distínguese ben pola
cor cincenta do seu lombo e o branco do seu ventre ata o fouciño e non ten
riscas nin manchas nas costas. Tamén é característica a súa aleta dorsal,
grande, afiada e cóncava na parte posterior e a súa relativamente pequeña aleta
caudal.
As outras especies tamén chamadas ARROAS son Grampus griseus (Arroaz boto), Lagenorhyncus albirostris (Arroaz
careto) e Lagenorhyncus acutus
(Arroaz pinto).
Bilbiografía: Cetáceos, focas e tartarugas mariñas das
costas ibéricas de Xosé Manuel Penas-Patiño e Antonio Piñeiro Seage. Guía de
Campo de los mamíferos salvajes de Europa Occidental, de Van Den Brink e
Barruel